Afsala Sjálfstæðinu?

Já er það ekki eina málið? Að afsala sjálfstæðinu til Evrópusambandsins? Hverju haldið þið að við eigum eftir að ráða ef Ísland verður innlimað í Evrópusambandið? Svo er einungis tímaspursmál um það hvenær ESB fær framkvæmdavald og Evrópa verður þá nánast orðin eitt ríki er ég allavega hræddur um.

Ótrúlegt að sjá hvernig sumir virðast mynda sína skoðun mest megnis á því sem "sölumenn" ESB hafa að segja. Auðvitað lofa þeir gulli og grænum skógum og lofsama Evrópusambandið líkt og þeir væru að vinna hjá Vörutorginu.

Hver vill miðstýrðan heim þar sem allir eru steyptir í sama mót? 

Það er mál að fólk líti framhjá þessari ESB gulrót sem veifað er fyrir framan fólk og líti á heildarmyndina, ekki bara lofuðum prósentutölum um lækkun vaxta og þess háttar sem er einungis sætur glassúr á drulluköku. 

Heimurinn á eftir að enda miðstýrður undir einni stjórn fyrr eða síðar. Ísland í ESB væri bara enn eitt skrefið í áttina að New World Order.

Eina leiðin að sækja um ESB

Skull & Bones

Skull & Bones                                                                                                                                        (Meiri upplýsingar á næstunni) 

    Skull & Bones er eitt valdamesta leynifélag í Bandaríkjunum og er staðsett í Yale háskóla. Meðlimir eru allir núverandi eða fyrrum nemendur við skólann og ár hvert eru 15 nýjir meðlimir vígðir inn með leynilegum athöfnum. Meðlimir sverja að neita alltaf aðild sinni og gefa ekki neinar upplýsingar um félagið. 

    Megintilgangur félagsins er að koma meðlimum sínum í valdamiklar stöður, ekki einungis í Bandaríkjunum heldur um allan heim og hefur það tekist mjög vel hjá þeim eins og augljóst er. Þegar nemanda við Yale er boðin innganga veit hann nánast fyrir víst að hann á eftir að komast í hátt setta stöðu. 

    Þetta er ekki bara saklaust bræðrafélag líkt og maður sér í Hollywood kvikmyndum.Samkvæmt heimildum mínum fara fram í húsakynnum þeirra, sem kallast "The Tomb" eða "Grafhýsið", siðlausar vígsluathafnir þar sem eldri félagar klæða sig upp meðal annars sem páfinn og djöfullinn.  Nýjir meðlimir þurfa að liggja naktir í líkkistum sem eru þar inni og deila öllum hugarórum sínum með hinum. Segja aðrir nemendur við skólann að á kvöldi athafnarinnar megi heyra óhljóð og ógurleg öskur koma úr húsinu.

     

 Listi yfir nokkra valdamikla einstaklinga sem staðfest er að séu Skull & Bones meðlimir.

• George W. Bush (1968), 43. Forseti Bandaríkjanna; 46.ríkisstjóri Texas

• George H. W. Bush (1948), 41. Forseti Bandaríkjanna; Faðir George W. Bush.

• Prescott Bush (1916), Þingmaður í USA (R-Connecticut 1952.1963), Afi George W. Bush.

• John Kerry (1966), Þingmaður í USA (D-Massachusetts 1985-); Forsetaframbjóðandi Demókrata 2004 á móti George W. Bush.

• Victor Ashe (1967) Bæjarstjóri í Knoxville 1988-2003. George W. Bush gerði hann að sendiherra í Póllandi 2004.

• Austan Goolsbee (1991),Ráðgjafi Barack Obama forsetaframbjóðanda.

Heimildarmyndband um leynifélagið:


Spyrjið ykkur nú að því. Er eðlilegt að nokkrir af valdamestu einstaklingum í heimi, menn sem almenningur á að treysta (en getur augljóslega ekki) skuli vera meðlimir í leynifélögum og hlýta þeirra lögum og reglum?

• Sjáðu fyrir þér George W. Bush liggja nakinn í líkkistu og spurðu þig, er þetta maður sem hægt er að treysta? 
• Meir að segja ráðgjafi Barack Obama er meðlimur og hefur gengið í gegnum þessa vígslu.

Fljótlega mun ég setja inn meiri upplýsingar um félagið.

http://en.wikipedia.org/wiki/List_of_Skull_and_Bones_members

Nokkrar spurningar...

Nokkuð sem þú ættir að spyrja sjálfan þig að.

Er þín skoðun á vestrænum stjórnvöldum mótuð af almennum fréttamiðlum, kvikmyndum og sjónvarpsþáttum?

Er heimurinn ekki smátt og smátt að verða miðstýrðari?

Er það tilviljun að fjöldinn allur af auðkýfingum og hátt settum stjórnmálamönnum eins og t.d. Tony Blair, Gordon Brown og Bush feðgarnir tilheyri reglum og leynifélögum á borð við Skull & Bones og Frímúrararegluna?

 og síðast og alls ekki síst..... kynnirðu þér hina hliðina á málunum með opnum huga eða trúirðu alltaf því sem þú sérð í fréttum eða lest í blöðum?

 Ekki láta mata þig.

Þangað til næst..... hafðu það gott.